Hangad ng DA-PhilRice ang “The Best para sa magsasaka”. Kaya naman, tuloy-tuloy ang pagseserbisyo simula pa noong 1985. Mula sa pagpili ng binhi hanggang pagsisinop ng ani ay tinututukan namin. Pati paggamit ng makinarya at pagnenegosyo. Nawa ang pangarap na maunlad na komunidad ng magsasaka ay maisakatuparan kung saan patuloy na tumataas ang ani at kita. Sa pamamagitan nito, siguradong laging sapat at abot-kayang bilhin ang bigas para sa lahat.